మండపేట, పశ్చిమ వాహిని, మే 01: ప్రపంచ కార్మికుల దినోత్సవం (మే డే) సందర్భంగా మండపేట పట్టణంలో ట్రాన్స్కో ఉద్యోగులు సేవా కార్యక్రమాన్ని చేపట్టారు. పట్టణంలోని కరాచీ సెంటర్ వద్ద ఏపీ ఎస్ ఈ ఈ యూనియన్ నెం. 327, ఐఎన్టీయూసీ రామచంద్రపురం బ్రాంచ్ ఆధ్వర్యంలో మజ్జిగ పంపిణీ కార్యక్రమం నిర్వహించారు. తీవ్ర ఎండల మధ్య ప్రజల దాహార్తిని తీర్చేందుకు ఈ కార్యక్రమాన్ని ఏర్పాటు చేశారు.
ఎండల తీవ్రత ఎక్కువగా ఉండటంతో రోడ్లపై ప్రయాణించే ప్రజలు, కార్మికులు, వాహనదారులు ఈ మజ్జిగ పంపిణీని సంతోషంగా స్వీకరించారు. యూనియన్ సభ్యులు స్వచ్ఛందంగా ముందుకు వచ్చి ప్రజలకు మజ్జిగ అందిస్తూ సేవాభావాన్ని చాటారు. ఈ కార్యక్రమానికి స్థానిక ప్రజల నుంచి విశేష స్పందన లభించింది.
ఈ కార్యక్రమంలో ఏపీ ఎస్ ఈ ఈ యూనియన్, ఏపీ ఈపీడీసీఎల్ కంపెనీ కార్యదర్శి పి.ఎస్.ఎస్. వెంకటేశ్వరరావు, మండపేట అసిస్టెంట్ ఎలక్ట్రికల్ ఇంజనీర్ ఎం. మూని, జూనియర్ ఇంజనీర్ పి.వి.వి. సత్యనారాయణ, 327 యూనియన్ రామచంద్రపురం డివిజన్ అధ్యక్షులు ఎం.సిహెచ్.ఎస్.ఎస్. కుమార్ బాబు పాల్గొన్నారు. అలాగే మాజీ అధ్యక్షులు గుంటూరి సత్యనారాయణ, మాజీ కార్యదర్శి పి. గోపీనాథ్, యూనియన్ కార్యదర్శి వి. రాజ్ కుమార్, గణేష్, గణపతి తదితర కార్మిక సోదరులు పాల్గొన్నారు.
కార్మికుల దినోత్సవాన్ని పురస్కరించుకుని ఈ విధమైన సేవా కార్యక్రమాలు చేపట్టడం అభినందనీయమని పలువురు అభిప్రాయపడ్డారు. సమాజానికి సేవ చేయడంలో కార్మికులు ముందుండడం విశేషమని కొనియాడారు.
_11zon.png)
