టీ. నర్సాపురం మండలం, పశ్చిమ వాహిని, ఏప్రిల్, 10: ఏలూరు పార్లమెంట్ సభ్యులు పుట్టా మహేష్ కుమార్ యాదవ్ జన్మదిన వేడుకలు టీ. నర్సాపురం మండలం మల్లుకుంట సొసైటీ వద్ద ఘనంగా నిర్వహించారు. సొసైటీ చైర్మన్ శీలం సాయి వినయ్ ఆధ్వర్యంలో జరిగిన ఈ కార్యక్రమం ఉత్సాహభరిత వాతావరణంలో సాగింది. నాయకులు, కార్యకర్తలు పెద్ద సంఖ్యలో పాల్గొని ఎంపీపై తమ అభిమానాన్ని వ్యక్తం చేశారు.
ఈ సందర్భంగా కేక్ కట్ చేసి శుభాకాంక్షలు తెలియజేశారు. ఎంపీ నాయకత్వంలో ప్రాంత అభివృద్ధి కొనసాగుతుందని, ప్రజలకు సేవలు అందించడంలో ఆయన ముందుంటారని పలువురు నాయకులు అభిప్రాయం వ్యక్తం చేశారు. కార్యక్రమంలో పాల్గొన్నవారు నినాదాలతో ప్రాంతాన్ని మార్మోగించారు.
ఈ వేడుకలో సొసైటీ సెక్రటరీ సత్యనారాయణ, మండల తెలుగు యువత అధ్యక్షుడు కాల్నిడి వాసు (శ్రీనివాస్), డైరెక్టర్లు వెంకటేశ్వరరావు, ఆంధ్రబాబు, రమేష్ వర్మ, సంక్రాంతి సతీష్ తదితరులు పాల్గొన్నారు. అలాగే మండల క్లస్టర్ ఇన్చార్జ్ బచ్చల వెంకటేశ్వరరావు, గంగులు పవన్, గంటా భరత్, చారి, దొద్దుల రాంబాబు పాల్గొన్నారు.
ఇంకా వల్లంబట్ల గ్రామపంచాయతీ ప్రధాన కార్యదర్శి నులకాని తరుణ్, వెలగపాడు పంచాయతీ సర్పంచ్ జలపాలు, ఇతర నాయకులు, కార్యకర్తలు, సొసైటీ సిబ్బంది కూడా హాజరై కార్యక్రమాన్ని విజయవంతం చేశారు. ఈ వేడుకలు ప్రాంతంలో సందడిని తీసుకువచ్చాయి.
_11zon.png)
