కాజులూరు/మంజేరు/జగన్నాయకులపాలెం, పశ్చిమ వాహిని, ఏప్రిల్ 21: రాష్ట్ర ముఖ్యమంత్రి Nara Chandrababu Naidu జన్మదినాన్ని పురస్కరించుకుని ఆయన సంపూర్ణ ఆరోగ్యంతో ఉండాలని కోరుతూ రాష్ట్ర కార్మిక శాఖ మంత్రి Vasamshetti Subhash పలు దేవాలయాల్లో ప్రత్యేక పూజలు, మృత్యుంజయ హోమం నిర్వహించారు. ఈ కార్యక్రమాలు కాజులూరు మండలంలోని వివిధ ఆలయాల్లో భక్తి శ్రద్ధలతో కొనసాగాయి.
మంజేరు గ్రామంలోని గంటాలమ్మ అమ్మవారి జాతర మహోత్సవంలో మంత్రి సుభాష్ పాల్గొని సీఎం ఆరోగ్యం కోసం ప్రత్యేక పూజలు నిర్వహించారు. అనంతరం ఆర్యవటం గ్రామంలోని వరాహ లక్ష్మీనరసింహస్వామి ఆలయంలో జరిగిన చందనోత్సవంలో పాల్గొని దేవుని ఆశీస్సులు కోరారు. జగన్నాయకులపాలెంలోని అమ్మవారి ఆలయంలో కూడా ప్రత్యేక పూజలు నిర్వహిస్తూ సీఎం దీర్ఘాయుష్షు, ఆయురారోగ్యాలను ఆకాంక్షించారు.
ఈ సందర్భంగా మంత్రి సుభాష్ మాట్లాడుతూ, రాష్ట్ర అభివృద్ధి కోసం నిరంతరం కృషి చేస్తున్న చంద్రబాబు నాయుడు ఆరోగ్యంగా ఉండాలని ప్రతి ఒక్కరూ ప్రార్థించాలని కోరారు. ప్రజల సంక్షేమం కోసం ఆయన చేస్తున్న సేవలు మరింత కాలం కొనసాగాలని ఆకాంక్షించారు.
ఈ కార్యక్రమాల్లో జనసేన ఇంచార్జి పోలిశెట్టి చంద్రశేఖర్, కూటమి పార్టీ నాయకులు, కార్యకర్తలు, గ్రామ ప్రజలు పెద్ద సంఖ్యలో పాల్గొన్నారు.
_11zon.png)
