ఏలూరు, పశ్చిమ వాహిని, ఏప్రిల్, 10: వేసవి కాలంలో పెరుగుతున్న అధిక ఉష్ణోగ్రతల నేపథ్యంలో బాటసారులు ఎదుర్కొంటున్న ఇబ్బందులను తగ్గించేందుకు జిల్లా పరిషత్ కార్యాలయం మెయిన్ గేట్ వద్ద చలివేంద్రం ఏర్పాటు చేశారు. ఈ చలివేంద్రాన్ని ఉమ్మడి పశ్చిమగోదావరి జిల్లా పరిషత్ చైర్పర్సన్ ఘంటా పద్మశ్రీ ప్రసాద్ ప్రారంభించారు. ప్రజలకు తాగునీరు, చల్లని పానీయాలు అందించేందుకు ఈ కార్యక్రమం చేపట్టడం విశేషం.
ఈ సందర్భంగా చైర్పర్సన్ మాట్లాడుతూ ఎండ తీవ్రత రోజురోజుకీ పెరుగుతున్న నేపథ్యంలో ప్రజలకు ఉపశమనం కల్పించడం ప్రతి ఒక్కరి సామాజిక బాధ్యత అని తెలిపారు. బాటసారులకు తాగునీరు, శీతల పానీయాలు అందించేందుకు ఏర్పాటు చేసిన ఈ చలివేంద్రం ప్రజలకు ఎంతో ఉపయోగపడుతుందని ఆశాభావం వ్యక్తం చేశారు. ఇలాంటి సేవా కార్యక్రమాలు మరింత విస్తరించాలని సూచించారు.
జిల్లా పరిషత్ ఆధ్వర్యంలో ఏర్పాటు చేసిన ఈ చలివేంద్రం ద్వారా ప్రజలకు తక్షణ ఉపశమనం లభిస్తుందని అధికారులు తెలిపారు. ముఖ్యంగా పాదచారులు, కార్మికులు, వాహనదారులు ఈ సదుపాయాన్ని వినియోగించుకోగలరని పేర్కొన్నారు. వేసవి కాలంలో ఇలాంటి చర్యలు అవసరమని అభిప్రాయం వ్యక్తం చేశారు.
ఈ కార్యక్రమంలో జిల్లా పరిషత్ ఉప ముఖ్య కార్యనిర్వాహణాధికారి కె. భీమేశ్వర్, పరిపాలనాధికారులు, కార్యాలయ సిబ్బంది పాల్గొన్నారు. అలాగే డివిజన్ కార్పొరేటర్ కె. సాంబ, బీసీ నాయకుడు లక్కోజు గోపి, టీడీపీ యూత్ లీడర్ ఇండ్ల అశోక్ రాజ్ తదితరులు హాజరయ్యారు. ప్రజలకు సేవ చేయాలనే లక్ష్యంతో జిల్లా పరిషత్ ముందడుగు వేసినట్లు అధికారులు తెలిపారు.
_11zon.png)
