ఏలూరు జిల్లా జంగారెడ్డిగూడెం, పశ్చిమ వాహిని, ఏప్రిల్ 28: గురవాయిగూడెం గ్రామంలో స్వయంభువుగా వెలిసిన శ్రీ మద్ది ఆంజనేయస్వామి ఆలయంలో మంగళవారం సందర్భంగా భక్తుల రద్దీ అధికంగా కనిపించింది. చుట్టుపక్కల గ్రామాల నుంచే కాకుండా సుదూర ప్రాంతాల నుండి కూడా భక్తులు పెద్ద సంఖ్యలో విచ్చేసి స్వామివారిని దర్శించుకున్నారు. ఆలయ పరిసరాల్లో 108 ప్రదక్షిణలు చేసి మొక్కుబడులు తీర్చుకున్నారు.
భక్తులు స్వామివారికి అత్యంత ప్రీతికరమైన తమలపాకులతో అష్టోత్తర పూజలు నిర్వహించుకున్నారు. అలాగే అన్నప్రాసన, వాహన పూజలు వంటి వివిధ సేవలను ఆలయ అర్చకులచే నిర్వహించించుకున్నారు. భక్తులు విశేష భక్తి భావంతో స్వామివారిని ప్రార్థిస్తూ ప్రత్యేక పూజలు చేశారు.
ఈ రోజు మధ్యాహ్నం/సాయంత్రం 3 గంటల వరకు సుమారు 1,925 మంది భక్తులు దర్శనం పొందారు. వారికి ఆలయంలో నిర్వహిస్తున్న నిత్య అన్నదాన సత్రంలో అన్నప్రసాదాన్ని అందజేశారు. భక్తులకు ఎటువంటి అసౌకర్యం కలగకుండా అన్ని ఏర్పాట్లు చేసినట్లు ఆలయ అధికారులు తెలిపారు.
అదే విధంగా వివిధ సేవల రూపంలో ఆలయానికి రూ.2,00,379 ఆదాయం వచ్చినట్లు వెల్లడించారు. భక్తుల రద్దీని దృష్టిలో ఉంచుకుని ఆలయ నిర్వహణను సమర్థవంతంగా చేపట్టినట్లు ఆలయ సహాయ కమిషనర్ మరియు కార్యనిర్వహణాధికారిణి ఆర్.వి. చందన పేర్కొన్నారు.
_11zon.png)
