ఏలూరు, పశ్చిమ వాహిని, ఏప్రిల్ 6: ఏలూరు జిల్లాలో నీటి సంరక్షణ పనులను 100 రోజులలో పూర్తి చేసేందుకు చర్యలు తీసుకుంటున్నట్లు జిల్లా కలెక్టర్ కె. వెట్రిసెల్వి తెలిపారు. ‘నీటి భద్రత- సాగునీటి సంఘాల బాధ్యత’ కార్యక్రమంపై సోమవారం సాయంత్రం రాష్ట్ర ముఖ్యమంత్రి నారా చంద్రబాబునాయుడు వీడియో కాన్ఫరెన్స్ ద్వారా జిల్లా కలెక్టర్లతో సమీక్ష నిర్వహించారు.
ఈ సందర్భంగా ముఖ్యమంత్రి మాట్లాడుతూ 100 రోజుల కార్యాచరణ ప్రణాళికను పటిష్టంగా అమలు చేయాలని జిల్లా కలెక్టర్లకు సూచించారు. 이에 స్పందించిన కలెక్టర్ వెట్రిసెల్వి జిల్లాలోని కాలువలు, చెరువులు, ఫీడర్ చానెల్స్లో తూడు తొలగించి నీటి నిల్వ సామర్థ్యాన్ని పెంచే చర్యలు తీసుకుంటున్నామని తెలిపారు. భూగర్భ జలమట్టాలను పెంచేందుకు ప్రత్యేక దృష్టి సారించినట్లు చెప్పారు. ఉద్యానవన రైతులు తమ పొలాల్లో ఫామ్ పాండ్స్ తప్పనిసరిగా ఏర్పాటు చేసుకోవాలని సూచించినట్లు తెలిపారు. జిల్లాలోని సాగునీటి సంఘాల ప్రతినిధుల ద్వారా రైతులను ఈ కార్యక్రమంలో భాగస్వామ్యం చేయిస్తున్నామని పేర్కొన్నారు.
ఈ కార్యక్రమంలో ఇరిగేషన్ ఎస్ఈ దేవప్రకాష్, ఆర్డీఓ కిషోర్, జిల్లా వ్యవసాయ శాఖ జెడి షేక్ హబీబ్ భాష, ఏపి ఎంఐపీ పీడీ డా.యస్. రామ్మోహన్, ఉద్యానవన శాఖ అధికారి కె. షాజానాయక్, డిఆర్డిఏ పీడీ టి.వి. విజయలక్ష్మి, పశుసంవర్ధక శాఖ అధికారి గోవిందరాజులు, డ్వామా పీడీ సుబ్బారావు తదితరులు పాల్గొన్నారు.
ఇక పీజీఆర్ఎస్ ద్వారా అందిన ప్రజా వినతులను నాణ్యంగా పరిష్కరించాలని జిల్లా జాయింట్ కలెక్టర్ డా. ఎం.జె. అభిషేక్ గౌడ అధికారులను ఆదేశించారు. సోమవారం కలెక్టరేట్లోని గోదావరి సమావేశ మందిరంలో నిర్వహించిన ప్రజా సమస్యల పరిష్కార వేదికలో ఆయన మాట్లాడారు. పీజీఆర్ఎస్లో అందిన అర్జీలను క్షేత్రస్థాయిలో పరిశీలించి నిర్దేశిత కాలంలో పరిష్కరించాలని సూచించారు. ఈ సందర్భంగా మొత్తం 238 వినతులు అందినట్లు తెలిపారు.
కార్యక్రమంలో ఇంచార్జ్ డిఆర్ఓ భాస్కర్, ఎస్సీ కార్పొరేషన్ ఈడి ఎం. ముక్కంటి, సర్వే శాఖ ఏడి అన్సారీ తదితర శాఖల అధికారులు పాల్గొన్నారు.
_11zon.png)
