పెదపాడు, పశ్చిమ వాహిని, ఏప్రిల్ 18: స్వచ్ఛ ఆంధ్ర–స్వర్ణాంధ్ర కార్యక్రమంలో భాగంగా పెదపాడు శాఖా గ్రంథాలయంలో శుభ్రత మరియు అవగాహన కార్యక్రమాలు నిర్వహించబడ్డాయి. కార్యక్రమం ప్రారంభంలో గ్రంథాలయ పరిసర ప్రాంతాలను పరిశుభ్రం చేసి, లోపల ఉన్న ర్యాక్స్లోని పుస్తకాలను శుభ్రపరిచి బూజులు దులిపారు. ఈ చర్యల ద్వారా పరిశుభ్రమైన వాతావరణాన్ని సృష్టిస్తూ పాఠకులకు మెరుగైన వసతులు కల్పించారు.
అనంతరం విద్యార్థినీ, విద్యార్థులు మరియు పాఠకులతో కలిసి స్వచ్ఛ ఆంధ్ర–స్వర్ణాంధ్ర ప్రతిజ్ఞ చేయించారు. సమాజంలో పరిశుభ్రతను కాపాడడం ప్రతి ఒక్కరి బాధ్యత అనే సందేశాన్ని ఈ ప్రతిజ్ఞ ద్వారా తెలియజేశారు. కార్యక్రమంలో పాల్గొన్న వారందరూ స్వచ్ఛతకు కట్టుబడి ఉండాలని ప్రతిజ్ఞ చేశారు.
ఈ సందర్భంగా రిసోర్స్ పర్సన్ పూడి రవికుమార్, నీటి సంరక్షణపై ప్రత్యేక అవగాహన కల్పించారు. “జలం–జీవం” అనే అంశంపై విద్యార్థులకు ప్రాముఖ్యతను వివరించి, నీటి విలువను అర్థం చేసుకోవాలని సూచించారు. నీటిని సంరక్షించడం భవిష్యత్తు తరాలకు ఎంతో అవసరమని ఆయన పేర్కొన్నారు.
విద్యార్థుల్లో సృజనాత్మకతను ప్రోత్సహించేందుకు “జలం–జీవం” అంశంపై వ్యాసరచన పోటీలు నిర్వహించారు. ఈ పోటీలలో విద్యార్థులు ఉత్సాహంగా పాల్గొని తమ ఆలోచనలను వ్యక్తపరిచారు. ఉత్తమ ప్రతిభ కనబరిచిన వారికి ప్రోత్సాహక బహుమతులు ఇవ్వనున్నట్లు తెలిపారు.
ఈ కార్యక్రమంలో గ్రంథాలయ పాఠకులు, సిబ్బంది, విద్యార్థినీ, విద్యార్థులు పెద్ద సంఖ్యలో పాల్గొన్నారు. పాల్గొన్న విద్యార్థులకు స్నాక్స్ పంపిణీ చేయడం జరిగింది. ఈ విషయాన్ని గ్రంథాలయ అధికారి దుగ్గిపోగు జాన్ బాబు తెలియజేస్తూ, ఇలాంటి కార్యక్రమాలు భవిష్యత్తులో కూడా కొనసాగిస్తామని అన్నారు.
_11zon.png)
