రాజమండ్రి, పశ్చిమ వాహిని, ఏప్రిల్, 10: డాక్టర్ బి.ఆర్. అంబేద్కర్ జయంతి వేడుకల సందర్భంగా రాష్ట్రవ్యాప్తంగా కబడ్డీ పోటీలు నిర్వహించనున్నట్లు నిర్వాహకులు తెలిపారు. ఈ పోటీలు ఈ నెల 12వ తేదీ సాయంత్రం రాజమండ్రిలో ప్రారంభం కానున్నాయి. గోదావరి జోన్ పరిధిలోని వీటి కాలేజ్ ప్రాంగణంలో ఈ క్రీడా పోటీలు ఘనంగా జరగనున్నాయి.
రాష్ట్రంలోని అన్ని జిల్లాల నుంచి కబడ్డీ ఆటగాళ్లు పాల్గొననుండగా, ఏలూరు జిల్లా నుంచి కూడా కాలేజీ విద్యార్థులు, క్రీడాప్రేమికులు పాల్గొనడానికి అవకాశం కల్పించారు. భారతీయ జనతా పార్టీ ఎస్సీ మోర్చా అధ్యక్షులు సురేష్, రాష్ట్ర బీజేపీ అధ్యక్షులు పీవీఎన్ మాధవ ఆధ్వర్యంలో ఈ కార్యక్రమం నిర్వహిస్తున్నారు. యువతలో క్రీడాస్ఫూర్తిని పెంపొందించడం లక్ష్యంగా ఈ పోటీలు నిర్వహిస్తున్నట్లు తెలిపారు.
ఈ పోటీల నిర్వహణ బాధ్యతలను గోదావరి జోన్లోని ఐదు జిల్లాల ఎస్సీ మోర్చా అధ్యక్షులు చేపట్టారు. పోటీలకు సంబంధించిన వాల్ పోస్టర్ను రాజమండ్రి జిల్లా బీజేపీ కార్యాలయంలో ఆవిష్కరించారు. అంబేద్కర్ ఫోటోతో రూపొందించిన పోస్టర్ ఆకట్టుకుంది.
ఏలూరు జిల్లాలోని నూజివీడు, కైకలూరు, ఏలూరు, దెందులూరు, ఉంగుటూరు, చింతలపూడి, పోలవరం నియోజకవర్గాల నుంచి విద్యార్థులు, క్రీడాకారులు పెద్ద సంఖ్యలో పాల్గొనాలని నిర్వాహకులు పిలుపునిచ్చారు. కబడ్డీపై ఆసక్తి ఉన్న వారందరికీ ఇది మంచి వేదికగా నిలవనుంది.
పోటీల్లో విజేతలకు ఆకర్షణీయమైన నగదు బహుమతులు ప్రకటించారు. మొదటి బహుమతి రూ.50,000, రెండో బహుమతి రూ.30,000, మూడో బహుమతి రూ.20,000, నాలుగో బహుమతి రూ.10,000తో పాటు మెమెంటోలు కూడా అందజేయనున్నట్లు తెలిపారు. పాల్గొనదలచిన జట్లు తమ వివరాలను నమోదు చేసుకోవాలని ఏలూరు జిల్లా ఎస్సీ మోర్చా అధ్యక్షులు శ్రీకర బుర్రి సూచించారు.
.jpg)
_11zon.png)
