ఈ సందర్భంగా హెల్మెట్ లేకుండా ప్రయాణిస్తున్న ద్విచక్ర వాహనదారులపై జరిమానాలు విధించకుండా, వారికి అవగాహన కల్పిస్తూ 20 హెల్మెట్లు కొనుగోలు చేయించి అందజేయడం విశేషం.
అతను ప్రజలకు పలు సందేశాలు అందించారు:
-
హెల్మెట్ భారం కాదు – ప్రాణాలకు రక్షణ కవచం.
-
నీ కోసం ఇంట్లో ఎదురుచూసే వాళ్లు ఉన్నారు – హెల్మెట్ మర్చిపోవద్దు.
-
తల రాతను మార్చలేం కానీ, తలకు హెల్మెట్ పెట్టి ప్రమాదాన్ని తప్పించవచ్చు.
-
స్టైల్ కోసం హెల్మెట్ వదలొద్దు – నీ లైఫ్ కోసం హెల్మెట్ ధరించు.
-
బైక్ రేస్ కాదు… నీ ప్రాణమే బాస్. హెల్మెట్ లేకపోతే జీవితం లాస్.
హెల్మెట్ ధరించడం వల్ల కలిగే ప్రయోజనాలు
🔹ప్రాణాపాయం నుండి రక్షణ: రోడ్డు ప్రమాదాల్లో మరణాల 80% పైగా తలకు గాయాల వల్లే జరుగుతాయి. హెల్మెట్ ధరించడం వల్ల మెదడు గాయాల ప్రమాదం 70–80% వరకు తగ్గుతుంది.
🔹కంటి రక్షణ: గాలి, ధూళి, పురుగులు కంట్లో పడకుండా కాపాడుతుంది. దృష్టి చెదరకుండా ప్రయాణం సురక్షితంగా సాగుతుంది.
🔹 వాతావరణ రక్షణ: ఎండ, వర్షం, చలి నుంచి తలకు రక్షణ లభిస్తుంది.
🔹ఏకాగ్రత పెరుగుదల: బయటి శబ్దాలు తగ్గి డ్రైవింగ్పై దృష్టి కేంద్రీకరించేందుకు సహాయపడుతుంది.
🔹 జరిమానా నివారణ: ట్రాఫిక్ నిబంధనలు పాటించడం వల్ల జరిమానాల నుంచి విముక్తి లభిస్తుంది.
ముఖ్య సూచన
హెల్మెట్ కొనేటప్పుడు తప్పనిసరిగా ISI మార్క్ ఉన్నదో లేదో పరిశీలించాలి. కేవలం జరిమానా తప్పించుకోవడానికే కాదు, ప్రాణాలను కాపాడుకోవడానికే హెల్మెట్ ధరించాలని ఎస్ఐ చంద్రశేఖర్ స్పష్టం చేశారు.
“మీ తల మీ కుటుంబానికి ఆస్తి… దాన్ని జాగ్రత్తగా కాపాడుకోండి” అంటూ ప్రజలకు సందేశం ఇచ్చారు.
