ఏలూరు, పశ్చిమ వాహిని, మే 7: ఖరీదైన వైద్యసేవలను పేదలకు కూడా పూర్తిస్థాయిలో అందుబాటులోకి తీసుకురావాలన్నదే తన లక్ష్యమని ఏలూరు ఎమ్మెల్యే మరియు జిల్లా తెలుగుదేశం పార్టీ అధ్యక్షుడు Badeti Chanti స్పష్టం చేశారు. ప్రజారోగ్య రక్షణకు కూటమి ప్రభుత్వం ప్రాధాన్యత ఇస్తోందని, ప్రభుత్వం చేపడుతున్న సంక్షేమ కార్యక్రమాలకు ప్రజలు సంపూర్ణ మద్దతు ఇవ్వాలని కోరారు.
ఏలూరు పవర్పేటలోని ఎమ్మెల్యే క్యాంపు కార్యాలయంలో గురువారం నిర్వహించిన ఉచిత వైద్య శిబిరాన్ని ఆయన పరిశీలించారు. ప్రతి గురువారం నిర్వహిస్తున్న ఈ శిబిరంలో పలువురు అవసరార్థులు పాల్గొని వైద్య సేవలు పొందారు. శిబిరంలో బీపీ, షుగర్ వంటి పరీక్షలు నిర్వహించిన వైద్యులు అవసరమైన వారికి ఉచితంగా మందులు అందించారు.
వైద్య శిబిరం నిర్వహణను ఎమ్మెల్యే బడేటి చంటి స్వయంగా పర్యవేక్షించి పలువురికి మందులు పంపిణీ చేశారు. ఈ సందర్భంగా మాట్లాడుతూ అనారోగ్యంతో బాధపడుతున్న వారికి భరోసా కల్పించాలనే ఉద్దేశంతోనే ఉచిత వైద్య శిబిరాలకు శ్రీకారం చుట్టామని తెలిపారు. ప్రజలకు నాణ్యమైన వైద్య సేవలు అందించేందుకు పలు ఆసుపత్రులు, రెడ్క్రాస్ వంటి సేవాసంస్థల సహకారంతో కార్యక్రమాలు నిర్వహిస్తున్నట్లు చెప్పారు.
తాజాగా ముఖ్యమంత్రి N. Chandrababu Naiduను కలిసిన సందర్భంగా కూడా ఉచిత వైద్య శిబిరాల నిర్వహణపై చర్చించినట్లు ఎమ్మెల్యే వెల్లడించారు. ప్రజారోగ్య రక్షణే తమ ప్రభుత్వ ధ్యేయమని, అవసరమైన వైద్య సేవలను మరింత విస్తృతంగా అందుబాటులోకి తీసుకురావడానికి చర్యలు తీసుకుంటున్నామని తెలిపారు.
ఈ శిబిరంలో నిష్ణాతులైన వైద్య నిపుణులు సేవలు అందిస్తున్నారని, ప్రజలు ఈ అవకాశాన్ని సద్వినియోగం చేసుకోవాలని ఎమ్మెల్యే సూచించారు. కార్యక్రమంలో ఈడా చైర్మన్ పెద్దిబోయిన శివప్రసాద్, టీడీపీ జిల్లా మీడియా కో-ఆర్డినేటర్ చల్లా వెంకట సత్య వరప్రసాదరావు, ఏలూరు నగర టీడీపీ అధ్యక్షుడు చోడే వెంకటరత్నం, సీనియర్ నాయకులు బెల్లపుకొండ కిషోర్, పలువురు కార్పొరేటర్లు, క్లస్టర్ ఇన్చార్జీలు, డివిజన్ ఇన్చార్జీలు తదితరులు పాల్గొన్నారు.
_11zon.png)
