చోడవరంలో ఘనంగా అయ్యప్ప స్వామి ఆలయ ప్రతిష్ట మహోత్సవం

శ్రీ నూకాలమ్మ ఆలయ కమిటీ సభ్యుల ప్రత్యేక పాల్గొనింపు

ఏలూరు, పశ్చిమ వాహిని, మే 6: చోడవరంలో నిర్వహించిన శ్రీ శ్రీ శ్రీ విజయదుర్గ విశ్వేశ్వర సహిత అయ్యప్ప స్వామి వార్ల ఆలయ ప్రతిష్ట మహోత్సవం భక్తిశ్రద్ధల మధ్య ఘనంగా జరిగింది. ఈ మహోత్సవంలో శ్రీ నూకాలమ్మ అమ్మవారి ఆలయ కమిటీ సభ్యులు ప్రత్యేకంగా పాల్గొన్నారు. వీరంపాలెం శ్రీ బాలా త్రిపురసుందరీ పీఠం వ్యవస్థాపకులు బ్రహ్మశ్రీ గరిమెళ్ల వెంకట రమణ సిద్ధాంతి మార్గనిర్దేశకత్వంలో, శ్రీ బాలా త్రిపురసుందరీ పీఠం ప్రతినిధి మరియు శ్రీ నూకాలమ్మ అమ్మవారి ఆలయ కమిటీ గౌరవ సలహాదారులు బ్రహ్మశ్రీ ఈమని శశికుమార్ శర్మ ఆధ్వర్యంలో కార్యక్రమం నిర్వహించబడింది.

ఈ కార్యక్రమంలో శ్రీ నూకాలమ్మ అమ్మవారి ఆలయ శాశ్వత చైర్మన్ డాక్టర్ రాజాన సత్యనారాయణ (పండు), ఆలయ మేనేజర్ చిటికెన రాంబాబు, ఆలయ కమిటీ సభ్యులు పాల్గొని ప్రత్యేక పూజల్లో పాల్గొన్నారు. ప్రతిష్ట మహోత్సవానికి విచ్చేసిన రాజమహేంద్రవరం ఎంపీ Daggubati Purandeswari, గోపాలపురం ఎమ్మెల్యే Maddipati Venkataraju, తాడేపల్లిగూడెం ఎమ్మెల్యే Bolisetty Srinivas, టీటీడీ జాతీయ ఉపాధ్యక్షులు ముళ్లపూడి బాపిరాజు తదితర ప్రముఖులతో కలిసి అమ్మవారి తొలి దర్శనంలో పాల్గొన్నారు.

ఈ సందర్భంగా డాక్టర్ రాజాన సత్యనారాయణ మాట్లాడుతూ చోడవరం ఆలయ కమిటీ ఆహ్వానం మేరకు ప్రతిష్ట మహోత్సవానికి హాజరై అమ్మవారి ఆశీస్సులు పొందడం ఆనందంగా ఉందన్నారు. ఆలయ ప్రతిష్ట కార్యక్రమం ఆధ్యాత్మిక వాతావరణంలో భక్తులను ఆకట్టుకుందని పేర్కొన్నారు.

అనంతరం ఆలయ కమిటీ తరఫున విశిష్ట అతిథులకు అమ్మవారి చిత్రపటాలు, ప్రసాదాలు అందజేసి దుస్సాలువులతో సత్కరించారు. రాజమహేంద్రవరం ఎంపీ దగ్గుబాటి పురంధేశ్వరిని శ్రీ నూకాలమ్మ అమ్మవారి దర్శనానికి రావాలని ఆహ్వానించినట్లు ఆలయ మేనేజర్ చిటికెన రాంబాబు తెలిపారు. కార్యక్రమంలో భక్తులు, ఆలయ కమిటీ సభ్యులు మరియు పీఠం ప్రతినిధులు పెద్ద సంఖ్యలో పాల్గొన్నారు.