భీమడోలు, పశ్చిమ వాహిని, ఏప్రిల్ 20: భీమడోలులో ముఖ్యమంత్రి నారా చంద్రబాబు నాయుడు పుట్టినరోజు వేడుకలను తెలుగుదేశం పార్టీ నాయకులు, కార్యకర్తలు ఘనంగా నిర్వహించారు. గన్ని ఆంజనేయులు ఆధ్వర్యంలో పార్టీ క్యాంప్ కార్యాలయం నుండి కూటమి నాయకులు, పార్టీ శ్రేణులతో కలిసి భారీ ర్యాలీగా బయలుదేరారు. భీమడోలు జంక్షన్లోని శ్రీ వెంకటేశ్వర స్వామి రూపక దేవాలయంలో ప్రత్యేక పూజలు నిర్వహించి నాయకుడి దీర్ఘాయుష్షు కోసం ప్రార్థించారు.
అనంతరం పార్టీ క్యాంప్ కార్యాలయంలో కేక్ కట్ చేసి పుట్టినరోజు వేడుకలను ఆనందంగా జరుపుకున్నారు. ఈ సందర్భంగా 100 మంది పేద మహిళలకు చీరలు పంపిణీ చేసి సేవా కార్యక్రమాన్ని చేపట్టారు. స్థానిక ప్రభుత్వ ఆసుపత్రిలో చికిత్స పొందుతున్న రోగులకు తెలుగుదేశం నాయకుడు కరటూరి ప్రసాద్ ఆధ్వర్యంలో రొట్టెలు, పండ్లు పంపిణీ చేశారు.
ఇక భవిత స్కూల్లో కూడా ప్రత్యేక కార్యక్రమం నిర్వహించి కేక్ కట్ చేశారు. విద్యార్థులు, సిబ్బందికి శుభాకాంక్షలు తెలియజేసి, త్రాగునీటి సౌకర్యం కోసం రూ.15 వేల విలువైన వాటర్ ప్యూరిఫైయర్ ప్లాంట్ను అందజేస్తామని హామీ ఇచ్చారు. ఈ సేవా కార్యక్రమాలు స్థానిక ప్రజల్లో మంచి స్పందనను పొందాయి.
ఈ కార్యక్రమంలో కూటమి నాయకులు, తెలుగుదేశం పార్టీ శ్రేణులు, అభిమానులు పెద్ద సంఖ్యలో పాల్గొని వేడుకలను విజయవంతం చేశారు. నాయకుడి సేవలను కొనియాడుతూ, ఆయన మరింత కాలం ప్రజలకు సేవ చేయాలని ఆకాంక్షించారు.
_11zon.png)
