ద్వారక తిరుమల మండలం ఎం. నాగులపల్లిలో భారీ స్పెషల్ డ్రైవ్

ఏలూరు, ఫిబ్రవరి 21: ఏలూరు జిల్లా ఎస్పీ కె. ప్రతాప్ శివ కిషోర్ మార్గదర్శకత్వంలో, ఏలూరు డీఎస్పీ డి. శ్రావణ్ కుమార్ ఆదేశాల మేరకు 21న రహదారి ప్రమాదాల నివారణ లక్ష్యంగా ద్వారక తిరుమల మండలం ఎం. నాగులపల్లి గ్రామంలో ప్రత్యేక అవగాహన కార్యక్రమం మరియు భారీ స్పెషల్ డ్రైవ్ నిర్వహించారు. ఈ కార్యక్రమాన్ని భీమడోలు ఇన్స్పెక్టర్ యు. జే. విల్సన్, ద్వారక తిరుమల ఎస్‌ఐ సుధీర్ పోలీస్ సిబ్బందితో కలిసి నిర్వహించారు.

🚦 స్పెషల్ డ్రైవ్ ముఖ్యాంశాలు..

👉 హెల్మెట్ ధరించకుండా ప్రయాణిస్తున్న ద్విచక్ర వాహనదారులను గుర్తించి వారికి అవగాహన కల్పించారు.

👉 జరిమానాలు విధించే ముందు భద్రతపై దృష్టి సారిస్తూ, వాహనదారులతో అక్కడికక్కడే 60 హెల్మెట్లు కొనుగోలు చేయించి భద్రతపై చైతన్యం కలిగించారు.

👉 “హెల్మెట్ భారం కాదు – అది మీ ప్రాణాలకు రక్షణ కవచం” అని అధికారులు తెలిపారు.

👉 “మీ కోసం ఇంట్లో ఎదురుచూస్తున్న కుటుంబ సభ్యులను గుర్తుంచుకోండి” అని విజ్ఞప్తి చేశారు.

👉 “మీ తలరాతను మార్చలేమేమో గానీ, తలకు హెల్మెట్ పెట్టి ప్రమాదాన్ని తప్పించుకోవచ్చు” అని చైతన్య సందేశం ఇచ్చారు.

👉 స్టైల్ కోసం హెల్మెట్ వదలొద్దని, జీవితం కోసం తప్పనిసరిగా ధరించాలని సూచించారు.

🛡 హెల్మెట్ ధరించడం వల్ల కలిగే ప్రయోజనాలు

👉 ప్రాణ రక్షణ

రోడ్డు ప్రమాదాల్లో సంభవించే మరణాలలో అధిక శాతం తలకు తగిలిన గాయాల వలన జరుగుతాయి. హెల్మెట్ ధరించడం వల్ల మెదడు గాయాల ప్రమాదం 70%–80% వరకు తగ్గుతుంది.

👉 కంటి మరియు ముఖ రక్షణ

హెల్మెట్ గ్లాస్ గాలి, ధూళి, పురుగులు, ఇసుక రేణువుల నుండి రక్షణ కల్పిస్తుంది.

👉 వాతావరణ రక్షణ

ఎండ, వర్షం, చలి నుండి తలకు రక్షణ కల్పిస్తుంది.

👉 డ్రైవింగ్‌పై దృష్టి

బయటి శబ్దాలు తగ్గి, డ్రైవింగ్‌పై కేంద్రీకరించడానికి సహాయపడుతుంది.

👉 చట్టపరమైన ప్రయోజనం

ట్రాఫిక్ నిబంధనలు పాటించడం వల్ల జరిమానాలు తప్పుతాయి. బాధ్యతాయుత పౌరుడిగా గుర్తింపు లభిస్తుంది.

🔍 హెల్మెట్ కొనుగోలు సమయంలో జాగ్రత్తలు

👉 తప్పనిసరిగా ISI మార్క్ ఉన్న హెల్మెట్ మాత్రమే కొనుగోలు చేయాలి.

👉 కేవలం పోలీసులను తప్పించుకోవడానికి కాదు – మీ ప్రాణాలను కాపాడుకోవడానికి హెల్మెట్ ధరించాలి.

చివరగా భీమడోలు ఇన్స్పెక్టర్ యు. జే. విల్సన్ మరియు ద్వారక తిరుమల ఎస్‌ఐ సుధీర్ మాట్లాడుతూ, “మీ తల మీ కుటుంబానికి అమూల్యమైన ఆస్తి. దాన్ని జాగ్రత్తగా కాపాడుకోండి” అని ప్రజలకు హృదయపూర్వక విజ్ఞప్తి చేశారు. ఈ కార్యక్రమం ద్వారా రహదారి భద్రతపై ప్రజల్లో విస్తృత అవగాహన ఏర్పడింది.