ANDRAPRADESH: టీడీపీ నేతృత్వంలోని ఎన్డీఏ ప్రభుత్వం ఎన్నికల సమయంలో ఇచ్చిన హామీలను నెరవేర్చడంలో విఫలమైందని జగన్ విమర్శించారు. కడపలో మహానాడు నిర్వహించడం సత్తా కాదని హామీలు అమలు చేయడం అసలైన సత్తా అన్నారు. వైసీపీ ప్రభుత్వం అమలు చేసిన సంక్షేమ పథకాలను ఎన్డీఏ ప్రభుత్వం రద్దు చేసిందని, దీనివల్ల ప్రజల్లో అసంతృప్తి పెరుగుతోందని అన్నారు. రాష్ట్రంలో చట్టం మరియు శాంతిభద్రతలు క్షీణించాయని, టీడీపీ కార్యకర్తలు వైసీపీ నాయకులు, కార్యకర్తలపై దాడులకు పాల్పడుతున్నారని ఆరోపించారు. రెడ్ బుక్ రాజ్యాంగం నడుస్తోందన్నారు. వైసీపీ స్థానిక సంస్థల ప్రతినిధులతో తాడేపల్లిలో సమావేశం అయ్యారు.
"జగనన్న 2.0"గా తిరిగి రాష్ట్రంలో అధికారంలోకి వస్తామని, కార్యకర్తలను రక్షించడానికి, బలోపేతం చేయడానికి కృషి చేస్తామని హామీ ఇచ్చారు. టీడీపీ ప్రభుత్వం వైసీపీ కార్యకర్తలపై దాడులు, భయాందోళన సృష్టిస్తోందని, కానీ పార్టీ దృఢంగా నిలబడుతుందని అన్నారు. వైసీపీ నాయకులను గ్రామస్థాయిలో ప్రజలతో సంబంధాలను బలోపేతం చేయాలని, ఎన్డీఏ ప్రభుత్వ వైఫల్యాలను ప్రజలకు వివరించాలని సూచించారు. అసెంబ్లీ ఎన్నికల కోసం పార్టీని సన్నద్ధం చేయడానికి స్థానిక నాయకులతో సమన్వయం, సమావేశాలను కొనసాగించాలని ఆదేశించారు. ర్టీలోని అంతర్గత సమస్యలను పరిష్కరించడానికి, కార్యకర్తల ఆత్మవిశ్వాసాన్ని పెంచడానికి కృషి చేయాలని నొక్కి చెప్పారు.
గొల్లప్రోలు ప్రాంతంలో వైసీపీ ఓటు బ్యాంకును బలోపేతం చేయడానికి, స్థానిక సమస్యలపై దృష్టి సారించాలని జగన్ నాయకులకు సూచించారు. అనంతపురంలోని పెనుకొండలో వైసీపీ గతంలో గెలిచినప్పటికీ, ఇటీవలి ఎన్నికల్లో టీడీపీ ఆధిపత్యం చెలాయించింది. ఈ ప్రాంతంలో పార్టీని పునరుద్ధరించడానికి, స్థానిక నాయకులతో సమన్వయం పెంచాలని జగన్ ఆదేశించారు. గొల్లప్రోలులో రైతుల సమస్యలు, పెనుకొండలో ఉపాధి అవకాశాలు, రాష్ట్రవ్యాప్తంగా సంక్షేమ పథకాల రద్దు వంటి అంశాలపై చర్చ జరిగింది. ఈ సమస్యలను ప్రజల ముందుకు తీసుకెళ్లాలని జగన్ సూచించారు. చంద్రబాబు హానాడులో చేసిన "కోవర్టులు" , "హత్యా రాజకీయాలు" ఆరోపణలను తిరస్కరించారు. ఈ ఆరోపణలు రాజకీయ లబ్ధి కోసం చేసినవని, వీరయ్య చౌదరి హత్యలో వైసీపీకి సంబంధం లేదని స్పష్టం చేశారు..
తాడేపల్లి వైఎస్సార్సీపీ కేంద్ర కార్యాలయంలో స్ధానిక సంస్ధల ప్రజాప్రతినిధులతో పార్టీ అధ్యక్షులు శ్రీ @ysjagan సమావేశం. pic.twitter.com/ZCRzqRJMCY
— YSR Congress Party (@YSRCParty) May 28, 2025
.jpg)
